កាលពីថ្ងៃទី១១ ខែធ្នូ ឆ្នាំ១០២៨ កន្លងទៅនេះ មានគណនីហ្វេសប៊ុកមួយដែលមានឈ្មោះថា Sokly Sam បានបង្ហោះនៅក្នុងបណ្តាញសង្គមថា “ព្រឹកមិញជួយទិញយាយម្នាក់គាត់ដើរទូលខ្នើយ និងខ្នើយឱបលក់ គាត់ថាមុននេះ មានគេមកទិញខ្នើយគាត់២ សរុប ៣ម៉ឺនរៀល គេឲ្យគាត់ ២០$ ហើយឲ្យគាត់អាប់ឲ្យវិញ ៥ម៉ឺនរៀល តែ ២០$ នោះគឺលុយក្លែងក្លាយ។ យាយគេយាយយើងគាត់ខំទូលដើរលក់នឹងអាលមានលុយទៅវត្តឥឡូវមកជួបមនុស្សបោកទៀត ឲ្យឯងក្តៅចិត្តទាំងព្រឹកតែម្តង”។
គណនីហ្វេសប៊ុកនេះបានបញ្ជាក់ដែរថា៖ “ខ្ញុំជួបគាត់នៅម្តុំសួន សរ ខេង ខាងកើតស្ទឹងសង្កែ ខេត្តបាត់ដំបង ខ្ទង់ម៉ោង ៨ព្រឹក ថ្ងៃ ១១ ធ្នូ ២០១៨ បើជួបគាត់ម្តងទៀត ខ្ញុំនិងព្យាយាមទាក់ទងបងបង ដែលចង់ជួយលោកយាយតាមលទ្ធភាពបស់គាត់ តែបើបងប្អូនផ្សេងជួបគាត់ សូមមេត្តាជួយគាត់ផង គាត់ចាស់ហើយ គាត់មុនឡើងស្រពោនស្តាយលុយគាត់”៕
