ឯកឧត្តម ទៀ សីហា កូនប្រុសទី២ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ត្រូវបានតែងតាំងជា អភិបាលនៃគណៈអភិបាលខេត្តសៀមរាប ក្រោមព្រះរាជបង្គាប់របស់ព្រះមហាក្សត្រនៅថ្ងៃទី៦ខែធ្នូឆ្នាំ២០១៨។ ចង់ដឹងថា អភិបាលខេត្តថ្មី នៃទឹកដីអង្គរនេះ មានសមត្ថភាពពិសេសយ៉ាងណា សូមអានលម្អិតខាងក្រោមនេះ៖
– អតីតសិស្សមធ្យមសិក្សានៅសាលា Lycée Passy Saint-Honoré
– ឆ្នាំ២០០១ បញ្ចប់បរិញ្ញាបត្រផ្នែកពាណិជ្ជកម្ម ពីមហាវិទ្យាល័យ Passy Saint-Honoré ទីក្រុងប៉ារីស ប្រទេសបារាំង
– ធ្លាប់សិក្សានៅសាលាទាហានពេញ១ឆ្នាំ នៅ École Spéciale Militaire de Saint-Cyr ដែលជារាជបណ្ឌិត្យសភាយោធារបស់ប្រទេសបារាំង
– ឆ្នាំ២០០១ ចូលបម្រើការជាមន្ត្រីកងរាជអាវុធហត្ថរាជធានីភ្នំពេញ
– បង្កើនជំនាញនិងសមត្ថភាពផ្នែកគ្រប់គ្រង នៅរាជបណ្ឌិតសភារដ្ឋបាលជាន់ខ្ពស់ នាឆ្នាំ២០០៧-២០០៨
– ជាប្រធានក្រុមយុវជនស្ម័គ្រចិត្តខេត្តសៀមរាប នៅឆ្នាំ២០១០-២០១៣
– ជាប្រធានសហភាពសហព័ន្ធយុវជនកម្ពុជា និងអតីតអភិបាលរងខេត្តសៀមរាប
ប្រភព៖ មន្ទីរព័ត៌មានខេត្តសៀមរាប
