កំពង់ធំ៖ គូស្នេហ៍មួយគូដែលមានវ័យខុសគ្នាប្រៀបបានតា និងចៅស្រី ខណៈខាងប្រុសមានវ័យរហូត ៥០ ឆ្នាំ ប្លាយ រីឯខាងស្រីមានវ័យជាង២០ឆ្នាំប៉ុណ្ណោះ បានបង្កការភ្ញាក់ផ្អើល និងទទួលការរិះគន់ដែលមនុស្សភាគច្រើនថា «រងឥទ្ធិពលនៃអំណាចទឹកលុយ» ។ ប៉ុន្តែ តាមការពិតនោះ ពុំមែនដូច្នេះទេ គឺអ្នកទាំងពីរស្រលាញ់គ្នាចិត្តនិងចិត្តប៉ុណ្ណោះ ពុំមានការបង្ខិតបង្ខំ ឬ ឥទ្ធិពលដុល្លារអ្វីផ្សេងនោះទេ ។ នេះបើតាមការបញ្ជាក់ពីខាងស្រី បន្ទាប់ពីរឿងនេះបានផ្ទុះកក្រើកហ្វេសប៊ុក អស់រយៈពេលជិត១ឆ្នាំមកនេះ ។
បើទោះបីនៅតែទទួលរងពាក្យមិនល្អផ្សេងៗពីអ្នកដទៃយ៉ាងណាក៏ដោយ តែអ្នកទាំងពីរបានសន្យាជាមួយគ្នាតស៊ូជំនះ និងមើលថែរក្សាចំណងស្នេហ៍មួយនេះ ឲ្យកាន់តែរឹងមាំទ្វេដង ។ ជាក់ស្តែងថ្មីៗនេះ ភរិយាតូចតន់ដ៏ស្រស់ស្អាតម្នាក់នេះ ដែលមានគណនីហ្វេសប៊ុកឈ្មោះ Chanthy Chamming បានបង្ហោះសារដ៏រីករាយយ៉ាងដូច្នេះថា៖ «ត្រលប់មកពីធ្វើការភ្លាម. ស្វាមីអោយបើកកែបម៉ូតូ. ចេះSurprise ទៀត. ទិញដបទឹកអោយប្រពន្ធសម្រាប់ពេលធ្វើការ. ហេើយធ្វើម្ហូបឆ្ងាញ់ៗ. អរគុណស្វាមីសំនប់ចិត្ត. អរគុណគ្រប់យ៉ាង. អូនស្រលាញ់បង. ស្រលាញ់បំផុត. យេីងនឹងមេីលថែរក្សាគ្នារហូតទៅ. អូនមិនដែលអន់ចិត្តនឹងសម្ដីអ្នកដទៃឡើយ. សំខាន់ពួកយេីងស្រលាញ់គ្នាចិត្តនឹងចិត្ត.. ស្វាមីល្អរបស់អូន.» ៕
ប្រភព៖ CEN
