• អ្នកលេងហ្គេមលើទូរសព្ទ Android ត្រូវលុបហ្គេមទាំង ១៣ នេះជាបន្ទាន់ ព្រោះវាមាន​ផ្ទុក​សុទ្ធ​តែ​មេរោគ

    Lukas Stefanko អ្នក​ស្រាវជ្រាវ​ផ្នែក​មេរោគ​អ៊ីនធឺណិត​ បាន​ប្រទះ​ឃើញ​ហ្គេម​ចំនួន​ ១៣ នៅ​លើ​ Play Store ដែល​មាន​បង្កប់​ទៅ​ដោយ​មេរោគ។ Lukas បាន​រាយការណ៍​ទៅ​កាន់​ Google ហើយ​ក្រុម​ការងារ​ Google ក៏​បាន​ដក​ហ្គេម​ទាំង​​ ១៣ ចេញ​​ពី​ Store របស់​ខ្លួន​ភ្លាមៗ​ផង​ដែរ។

    ហ្គេម​ទាំង​ ១៣ ត្រូវ​បាន​គេ​ដឹង​ថា​មាន​ Developer តែ​មួយ ដែល​មាន​ឈ្មោះ​ថា​ Luiz O Pinto និង​មាន​សណ្ឋាន​ខុសៗ​គ្នា​ ដូច​ជា​ហ្គេម​ប្រណាំង​​រថយន្ត និង​ហ្គេម​បើក​រថយន្ត​ពន្លត់​អគ្គីភ័យ​ជា​ដើម។ Lukas បាន​​បក​ស្រាយ​ថា​​នៅ​ពេល​អ្នក​ប្រើ​ប្រាស់​ព្យាយាម​បើក​ហ្គេម​ទាំង​នេះ​ វា​នឹង​បិទ​ទៅ​វិញ​ដោយ​ខ្លួន​ឯង​ ​ហើយ​ Icon របស់​ហ្គេម​នឹង​ត្រូវ​បំបាំង​ខ្លួន​ភ្លាមៗ។

    បន្ទាប់​មក​វា​នឹង​ឲ្យ​អ្នក​ប្រើ​ប្រាស់​ទាញ​យក​កម្មវិធី Game Center ​ដែល​កម្មវិធី​នេះ​នឹង​អាច​​ចូល​លុក​លុយ​ទូរសព្ទ​របស់​អ្នក​ប្រើ​ប្រាស់​ រួច​បង្ហាញ​​ផ្ទាំង​ពាណិជ្ជកម្ម​នានា​ នៅ​ពេល​អ្នក​ប្រើ​ប្រាស់​ដោះ​សោ​ទូរសព្ទ​រួច។

    ខាង​ក្រោម​ជា​ឈ្មោះ​ហ្គេម​មាន​បង្កប់​មេរោគ​ទាំង ១៣ ៖

    • Truck Cargo Simulator
    • Extreme Car Driving Racing
    • City Traffic Moto Racing
    • Moto Cross Extreme Racing
    • Hyper Car Driving Simulator
    • Extreme Car Driving City
    • Firefighter — Fire Truck Simulator
    • Car Driving Simulator
    • Extreme Sport Car Driving
    • SUV 4×4 Driving Simulator
    • Luxury Car Parking
    • Luxury Cars SUV Traffic
    • SUV City Climb Parking

    ប្រសិន​បើ​លើ​ស្មាតហ្វូន​របស់​អ្នក​មាន​ដំឡើង​នូវ​ហ្គេម​ប្រភេទ​ខាង​លើ​នេះ គួរ​ណា​ធ្វើ​ការ​ Factory Reset ដើម្បី​ធានា​ថា​ស្មាតហ្វូន​នឹង​គ្មាន​បញ្ហា​​ទៅ​ថ្ងៃ​ក្រោយ៕​​​​​​​

    ប្រភព៖ Sabay

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ