តម្លៃផ្ទះសំណាក់នៅខេត្តព្រះសីហនុ កំពុងតែក្លាយជាប្រធានបទយ៉ាងក្តៅគគុកនៅលើបណ្តាញសង្គមហ្វេសប៊ុក ដោយមានការភ្ញាក់ផ្អើលថា ផ្ទះសំណាក់សឹងតែទាំងអស់នៅក្នុងក្រុងកំពង់សោមមួួយយប់មានតម្លៃរហូតដល់ទៅ១០០ដុល្លារឯណោះ។ ក្នុងនោះក៏មានមតិភាគច្រើនបានអះអាងថាសុទ្ធសឹងតែជាការពិតព្រោះតែពួកគាត់បានជួបផ្ទាល់ពេលដែលបានធ្វើដំណើរកម្សាន្តនៅកំពង់សោម។
សណ្ឋាគារ នឹងផ្ទះសំណាក់ទាំងនោះ មួយភាគធំ ត្រូវបាន គេជួលឲ្យក្រុមហ៊ុនជនជាតិចិន បើកកាស៊ីណូ ស្ទើរអស់ទៅ ហើយ រូមនឹង ផ្ទះជួល មួយចំនួនក៏ ត្រូវគេជូលឲ្យជនជាតិចិន សំរាប់ បុគ្គលិកកាស៊ីណូស្នាក់នៅផងដែរ សរុបសេចក្តីមក ភ្ញៀវទេសចរណ៏ដែល មក លេងកម្សាន្ត ក្នុងខេត្តព្រះសីហនុ ចំពេលក្នុងរដូវបុណ្យទាន ភាគច្រើន មកលេងព្រឹក ហើយ ពេលរសៀលត្រឡប់ទៅវិញ នឹងមួយចំនួន ទៅដើរលេងសំរាកនៅតាមកោះ។
យ៉ាងណាមិញជាមួយនឹងការលើកឡើងនេះ ក៏មានម្ចាស់ផ្ទះសំណាក់ មានឈ្មោះ អ៊ឹង វិសាល បាននិយាយបកស្រាយនៅក្នុងវីដេអូមួយដោយបានរៀបរាប់ថា ផ្ទះសំណាក់ អ៊ឹង វិសាល របស់់ខ្លួនដែលមានទីតាំងក្បែរស្នងការដ្ឋានក្រុងព្រះសីហនុ មាន២៨បន្ទប់ ដោយតម្លៃបន្ទប់មួយយប់ ១៥ដុល្លារ ទៅ២៥ដុល្លារ ថែមទាំងមានអាហារពេលព្រឹក អាហារថ្ងៃត្រង់ មានកន្លែងស្ទីម សូណាថែមទៀតផង។ ហើយម្ចាស់ផ្ទះសំណាក់ខាងលើបានសង្កត់ធ្ងន់ទៅលើពាក្យចចារ៉ាមដែលតម្លៃបន្ទប់នៅកំពង់សោម មួយយប់១០០ដុល្លារនោះថា សុទ្ធសឹងតែជាពាក្យបង្គាច់បង្ខូច ពាក្យពីមាត់មួយទៅមាត់មួយតែប៉ុណ្ណោះ។ តើប្រិយមិត្តយល់យ៉ាងណាដែរ?
សូមទស្សនាវីដេអូនៅខាងក្រោម៖
