កាលពីវេលាម៉ោងបីរសៀលថ្ងៃចន្ទទី១៩ ខែវិច្ឆិកា ឆ្នាំ២០១៨ បើយោងតាមប្រភពហ្វេសប៊ុករបស់ឯកឧត្តមបណ្ឌិត ម៉ុង ឬទ្ធី បានអោយដឹងថា ឯកឧត្តមបណ្ឌិតបានអញ្ជើញចូលរួមជូនដំណើរចុងក្រោយ សពលោកព្រឹទ្ធាចារ្យភិរម្យប្រាជ្ញ ឈួន ។
ឯកឧត្តមបណ្ឌិត រៀបរាប់ថា ជាការពិតខ្ញុំមកចូលរួមក្នុងនាមជាប្រជាពលរដ្ឋធម្មតាទេ តែគេបានរៀបចំអោយខ្ញុំអង្អុយកៅអីគណអធិបតី ជាមួយឯកឧត្តមខៀវ កាញារីទ្ធ ។
បន្ទាប់មកឯកឧត្តមបណ្ឌិត ម៉ុង ឬទ្ធី បន្ដថា ចុងបញ្ចាប់នៃកម្មវិធីបុណ្យឃើញគេនាំគ្នាយកវិក្កយបត្រមកទាប្រាក់ ពីព្រះតេជគុណឃឹម សនក្នុងនោះមានថ្លៃមេរុ900$ ថ្លៃតុបតែងផ្កាលើមេរុ950$ ថ្លៃសម្ភារៈចំរុះ528$ ថ្លៃផ្កាកូរ៉ោន550$ សរុបចំនួន2.928$ លោកងាកមកអោយឧកញ៉ាជួយចេញលុយខ្លះផង ជាចុងក្រោយទើបដឹងថាកម្មវិធីបុណ្យនេះព្រះតេជព្រះគុណឃឹម សនជាអ្នកចាត់ចែងធ្វើទាំងអស់យប់មិញខ្ញុំបានចូលបុណ្យម្តងរួចហើយ សម្រាប់ពេលនេះខ្ញុំមិនអាចចេញតែចំណែកណាមួយបានទេ មានតែជួយចេញថវិការទាំងអស់តែម្តងបើសង្ឃឹមទៅលើគ្រួសារសពទីទ័លក្រខ្លាំងណាស់ ។
ឯកឧត្តមបណ្ឌិតបន្ដទៀតថា បើសង្ឃឹមទៅលើព្រះសង្ឃមិនដឹងជាត្រូវទៅសូត្រមន្ត ទេសនាប៉ុន្មានរោងទើបសងគេរួចទេ ។
សូមបញ្ជាក់ថារូបខ្ញុំនិងគ្រួសារមិនមានជាប់សាច់ញាតិអ្វីជាមួយគ្រួសារសពទេ ហើយពួកគាត់ក៏ទើបតែបានជួបជាមួយខ្ញុំលើកទីមួយដែរ ។ ដូចច្នេះហើយខ្ញុំសុំអញ្ជើញប្រីយមិត្តFacebook មកទទួលអនុមោទនាបុណ្យទាំងអស់គ្នា ។
ប្រភព៖ khmernews
