ដោយឡែក ក្រុមការងារមួយក្រុម បាននាំគ្នាទៅថត Pre-Wedding នៅលើភ្នំបូកគោ ស្រាប់តែប្រទះនូវរឿងចំលែកៗជាច្រើន ហើយពួកគេបានយកមកចែកដល់បងប្អូន និងប្រិយមិត្តតាមរយៈបណ្ដាញសង្គមហ្វេសបុកឲ្យបានដឹងផងដែរ ដែលនេះគឺជាការលើកឡើងរបស់គណនីឈ្មោះ Chan Sok Meng ដោយគាត់បានសរសេររៀនរាប់យ៉ាងដូច្នេះថា៖
“បើមិនជឿកុំប្រមាថ!!! រឿងដែលមិនគួរឲ្យជឿ នៅអំឡុងពេលថត Pre-wedding!!! បីកន្លែង ដែលបានថតនៅលើកំពូលភ្នំបូកគោ ដូចរូបខាងក្រោម៖ មានរឿងរ៉ាវជាច្រើនណាស់ ដែលបានកើតមាន នៅពេលដែលក្រុមការងាររបស់ពួកយើងកំពុងថតរូប Pre-Weddingនៅលើកំពូលភ្នំបូកគោ…! ! មានទាំងអ្នកដែលឃើញរូបភាពមុនថត មានទាំងអ្នកដែលចង់លោតពីថ្មមួយទៅថ្មមួយកាត់ជ្រលងភ្នំ មានទាំងអ្នកដែលអង្គុយញាំបាយម្នាក់ឯង និងនិយាយតែឯង នៅមានច្រើនទៀត…។
នៅតាមផ្លូវពេលត្រលប់មកវិញ មានក្មេងលោតកាត់ជ្រលង ប្តីប្រពន្ធនិងកូន ជិះម៉ូតូចូលឡាន ឆ្កែរត់ចូលឡាន ពស់ថ្លាន់វារចូលឡាន មានអ្នកសន្លប់ អត់ដឹងខ្លួន តែនៅពេលសែនតាមផ្លូវ និងពាក់ខ្សែកព្រះអោយ ស្រាបតែដឹងខ្លួនឡើង នៅពេលដល់ភ្នំ ពេលមានគេចូលក្រុមការងាររបស់ពួកយើងម្នាក់ទៀត។ បើនិយាយរៀបរ៉ាប់ គឺវែងឆ្ងាយពេកហើយ គ្រាន់តែចង់ប្រាប់ទៅដល់បងប្អូនឲ្យមានប្រុងប្រយ័ត្ននូវរាល់ពាក្យសម្តី និងកាយវិការ។ ខ្ញុំក៏មិនដែលជឿរដែរ លើរឿងអបិយជំនឿនេះ ប៉ុន្តែនៅពេលរឿងនេះកើតលើខ្លួនខ្ញុំផ្ទាល់តែម្តង ភ្លឺភ្នែក ព្រឺខ្នង ព្រឺសម្បុរ បាស់សក់ នៅមិនទាន់បាត់ទេ”៕
