រថយន្ដកងអន្ករាគមន៍មួយគ្រឿង ដោយអ្នកបើកបរទំនងជាស្រវឹង បានបើកទៅបុកនិងក្បាលនាគពុះចែកទ្រូងផ្លូវនៅចំណុចខាងមុខក្រសួងមហាផ្ទៃស្ថិតក្នុងសង្កាត់ទន្លេបាសាក់យ៉ាងពេញទំហឹង បណ្ដាលឲ្យរងការខូចខាតផ្នែកខាងមុខយ៉ាងយ៉ាងដំណំ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១១ និង៤៥ នាទីយប់ ថ្ងៃទី១១ ខែវិច្ឆិកា ឆ្នាំ២០១៨។
យោងតាមប្រភពព័ត៌មានពីប្រជាពលរដ្ឋនៅនិងកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្ដកងអន្ករាគមន៍មួយគ្រឿងទំនងជាស្រវឹងបានធ្វើដំណើរពីទិសដៅពីជើងមកត្បូង ខណះមកដល់ចំនុចកើតហេតុក៏បានមកបុកនិងក្បាលនាគពុះចែកទ្រូងផ្លូវពេញទំហឹង បណ្ដាលឲ្យរថយន្ដរងកាខូចខាតផ្នែកខាងមុខយ៉ាងដំណំ ចំណែកឯទ្រូងផ្លូវបណ្ដាលឲ្យរំកិនទៅម្ខាងខូចខាតតិចតួច ។ តែករណីគ្រោះថ្នាក់ចរាចរណ៍នេះគ្មានមនុស្សរងរបួសទេ ចំណែកឯម្ចាស់រថយន្ដបង្ករត់គេចខ្លួនបាត់សម្រាល។
ក្រោយកើតហេតុ សមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់ ៕
