ការ​ស្រាវជ្រាវ​​បង្ហាញ​ថា «ពលរដ្ឋ​ខ្មែរ ៧% គ្មានទូរសព្ទប្រើ តែមានស៊ីម​កាត Activate រួចហើយ»

តាម​រយៈ​ការ​ស្រង់​មតិ​ក្នុង​កម្មវិធី AfterAccess របស់​ក្រុមហ៊ុន​បច្ចេកវិទ្យា​គមនាគមន៍​ព័ត៌មាន LIRNEasia ដែល​ទើប​ឈ្នះ​ពាន​រង្វាន់​ស្រាវជ្រាវ EQUALSINTech ពី​សហរដ្ឋ​អាមេរិក​ថ្មីៗ​នេះ បាន​ចេញ​ផ្សាយ​នូវ​លទ្ធផល​ការ​ស្រាវជ្រាវ​​បង្ហាញ​ថា ប្រជា​ជន​កម្ពុជា​ចំនួន ៧% គ្មានទូរសព្ទប្រើ តែមានស៊ីម​កាត Activate រួច​ហើយ។

នៅ​ក្នុង​ប្រធានបទ (Mobile Phone Ownership) នៃ​ការ​ស្រាវជ្រាវ​ដែល​ចែក​ជា ៣​ ប្រភេទ​ផ្សេង​គ្នា​គឺ (ស្មាតហ្វូន​ទំនើប, ទូរសព្ទ​ធម្មតា តែ​មាន​ភ្ជាប់​អ៊ីនធើណិត និង​ទូរសព្ទ​ធម្មតា​ៗ បាន​ត្រឹម​តែ​លើក​ទទួល​ពេល​គេ​ខល​ចូល) បាន​បង្ហាញ​ថា ក្នុង​ចំណោម​ប្រទេស ១៨ ប្រជាជន​នៃ​ប្រទេស​កម្ពុជា មាន ៤៨% ប្រើ​ប្រាស់​ស្មាតហ្វូន(ជា​តួលេខ​ខ្ពស់​ជាង​គេ​មួយ​នៅ​អាស៊ី និង​អាហ្រ្វិក លើក​លែង​តែ​អាហ្វ្រិក​ខាង​ត្បូង និង​មីយ៉ាន់​ម៉ា)។ ក្នុង​នោះ​ដែរ មាន ៤២% ប្រើ​ទូរសព្ទ​មិន​ភ្ជាប់​អ៊ីនធើណិត។

ការ​រក​ឃើញ​សំខាន់ៗ​ផ្សេង​ទៀត​ពី​របាយ​ការណ៍​សម្រាប់ ប្រទេស​កម្ពុជា៖

  • អ្នក​ប្រើប្រាស់​ទូរសព្ទ​ដៃមាន​ដល់​ទៅ ៦៨% ក្នុង​ចំណោម​អ្នក​មាន​អាយុ​ចន្លោះ​ពី ១៥ ដល់ ៦៥ ឆ្នាំ។
  • ២៩% នៃ​អ្នក​ប្រើប្រាស់​ទូរសព្ទ​មាន​អាយុ​ចន្លោះ​ពី ១៥ ដល់ ៦៥ ឆ្នាំ មាន​ស៊ីម​កាត​ប្រើ​ច្រើន​ជាង ១។
  • ៨៥% នៃ​អ្នក​ប្រើប្រាស់​ទូរសព្ទ​មាន​អាយុ​ចន្លោះ​ពី ១៥ ដល់ ៦៥ ឆ្នាំ(មាន​ភ្ជាប់​អ៊ីនធើណិត) បង្ហាញ​ថា ពួក​គាត់​ប្រាប់​ពី​កម្មវិធី​ម្យ៉ាង​នៅ​លើ​ទូរសព្ទ ​បាន​ប្រើប្រាស់​ខ្ពស់​បំផុត​ក្នុង​ចំណោម​ទូទាំង​ប្រទេស​អាស៊ី និង​អាហ្វ្រិក​ទាំង​អស់។
  • ៣០% នៃ​អ្នក​ប្រើប្រាស់​ទូរសព្ទ​មាន​អាយុ​ចន្លោះ​ពី ១៥ ដល់ ៦៥ ឆ្នាំ បាន​ប្រាប់​ថា ពួកគេ​បាន​ប្រើ​ប្រាស់​ប្រព័ន្ធ​ផ្សព្វផ្សាយ​សង្គម។
  • ៤៨% នៃ​អ្នក​ប្រើប្រាស់​ទូរសព្ទ​មាន​អាយុ​ចន្លោះ​ពី ១៥ ដល់ ៦៥ ឆ្នាំ ប្រើ​ស្មាតហ្វូន​ទំនើប។ ខណៈ ១៤% ​ប្រើ​ត្រឹម​ទូរសព្ទ​ធម្មតា តែ​មាន​ភ្ជាប់​អ៊ីនធើណិត ចំណែក ៤២% ​ប្រើ​ទូរសព្ទ​ធម្មតា​ៗ បាន​ត្រឹម​តែ​លើក​ទទួល​ពេល​គេ​ខល​ចូល។

គេ​រក​ឃើញ​ថា មាន​តែ ៧% ​ប៉ុណ្ណោះ​ជា​អ្នក​គ្មាន​ទូរសព្ទ​ប្រើ ប៉ុន្តែ​បាន​ភ្ជាប់​ការ​ប្រើ​ស៊ីម(Active SIM) ក្នុង​នោះ​មាន​ ៦% ភ្ជាប់​ស៊ីម ១ និង ១% ភ្ជាប់​ស៊ីម​លើស​ពី ២។

ប្រភព៖ Sabay

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ