គួរតែចេះភ្ញាក់រលឹកហើយ រឿងចោលសំរាមទីសាធារណៈ សូម្បីលោកពូខាងផ្នែកអនាម័យ ក៏ចេះLive វីដេអូ ណែនាំដែរ (មានវីដេអូ)

ការ​បោះ​ចោលសំរាមនៅ​តាម​ទីសាធារណៈ ពី​សំណាក់​ពលរដ្ឋ​កម្ពុជា មិន​មែន​ជា​រឿងថ្មី​ឬ​​ប្លែក​ទេ។ ប្រជាពលរដ្ឋ​កម្ពុជា​​​បោះ​ចោល​សំរាម​យ៉ាង​អនាធិបតេយ្យ​យ៉ាង​ដូច្នេះ​តាំង​ពី​យូរ​មក​ហើយ នៅ​គ្រប់​ទី​កន្លែង រាប់​តាំង​ពី​នៅ​មុខ​ផ្ទះ តាម​ចិញ្ចើម​ផ្លូវ និង​នៅ​តាមទី​សាធារណៈ​នានា​។

បើ​មើល​មួយ​ភ្លែត​ទៅ ការ​ចោល​សំរាមនៅ​តាម​ទី​សាធារណៈ​គឺ​ជា​រឿង​ដ៏​តូចតាចមួយ​។ ប៉ុន្តែ​ទម្លាប់​នេះ គឺ​ជា​កញ្ចក់​ឆ្លុះ​បញ្ចាំង​ពី​ចំណេះ​ដឹង មារយាទ និង​ការ​ទទួល​​ខុស​ត្រូវ​របស់​ពលរដ្ឋ​ខ្មែរ​ម្នាក់​ៗ ដែល​នៅ​ក្នុង​នោះ​មាន​ទាំង ពលរដ្ឋ​ធម្មតា និង​អាជ្ញាធរ។ ទម្លាប់​អាក្រក់​បែប​នេះ បាន​ធ្វើ​អោយ​ប៉ះពាល់​ដល់​កិត្តិយស ភាព​ថ្លៃថ្នូរ និង​សោភ័ណ​ភាព​របស់​ប្រទេស ព្រម​ទាំង​អាច​ជាន់​ពន្លិច​​វិស័យ​ទេសចរណ៍ ដែល​ជា​ប្រភព​ប្រាក់​ចំណូល​របស់​ជាតិ​ទៀត​ផង។

យើងងាកមកមើលវីដេអូមួយនេះវិញ សូម្បីលោកពូដែលមានមុខរបរជាអ្នករើសសម្រាមនៅម្តុំស្ទឹងមានជ័យ ក៏បានរៀបរាប់ពីការចោលសម្រាប់គ្មានសណ្តាប់ធ្នាប់នៅស្ពានអាកាសស្ទឹងមានជ័យ ពីសំណាក់ព្រជាពលរដ្ឋមួយចំនួន ដែលមានដូចជាសំបកដូងដែលធ្វើឲ្យពួកគាត់មានផលលំបាកយ៉ាងខ្លាំងក្នុងការប្រមូលសម្រាម។ លោកពូបានសណូមពរឲ្យប្រជាពលរដ្ឋជួយថែរក្សាអនាម័យ និងបរិស្ថានទាំងអស់គ្នា។

សំនួរសួរថា៖ គាត់មិនបានរៀនសូត្រជ្រៅជ្រះតែគាត់យល់ពីរឿងទាំងនេះ ចុះគ្រប់គ្នាដែលមានសញ្ញាប័ត្រក្នុងដៃគ្រប់គ្នា ពេលណាភ្ញាក់រលឹក រួមដៃគ្នាថែរក្សារបរិស្ថានទីក្រុង? ចង់ដឹងច្បាស់សូមទស្សនាវីដេអូរបស់លោកពូខាងក្រោម៖

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ