ករណីពស់ថ្លាន់ចូលទៅសម្ងំនៅក្នុងគ្រឿងម៉ាស៊ីនរថយន្ត យើងតែងសង្កេតឃើញបានកើតឡើងនៅស្រុកគេ ជាពិសេសប្រទេសថៃជារឿយៗ ប៉ុន្តែ ហេតុការណ៍ដូចគ្នានេះ ថ្មីៗនេះ បានបង្កឲ្យមានការភ្ញាក់ផ្អើលពេញយានដ្ឋានជួសជុលរថយន្តមួយកន្លែង នៅក្នុងប្រទេសខ្មែរយើង ។
យោងតាមគណនីហ្វេសប៊ុកឈ្មោះ Math Arifin បានបង្ហោះវីដេអូ ជាមួយចំណងជើងសរសេរថា៖ «លើកទីមួយ ឃើញផ្ទាល់ភ្នែក ជាងឡាន: ភ្ញៀវយកឡានមកធ្វើ គ្រាន់តែបើកមើលម៉ាស៊ីន ឃើញឡើងមួយសំណុំតែម្តង» ។
ជាមួយគ្នានេះផងដែរ អ្នកលេងអ៊ិនធើរណែតជាច្រើនបានដាក់ចម្ងល់ថា តើពស់ថ្លាន់នេះចូលតាមណា តើវាមិនក្តៅងាប់ទៅហើយទេអ្ហេ បើម៉ាស៊ីនឡានក្តៅម្ល៉ឹងៗនោះ ។ អ្នកខ្លះទៀតថា នេះវានាំលាភដល់ម្ចាស់ឡាន កុំសម្លាប់វាអី យកវាទៅព្រលែងកន្លែងមានសុវត្តិភាពផងទៅ!! ។
យ៉ាងណាមិញ បើតាមម្ចាស់វីដេអូខាងលើនេះ បានខមឆ្លើយតបអ្នកសួរថា៖ «គេគម្រោងយកទៅលែងនៅវត្ត តែប្រញាប់ក៏មកមុន មិនបានចាំមើលតទៀត» ៕
