អស់ពីមួយជួបពីរ! ប្រទេស​ជប៉ុន​អាចនឹង​បន្តរងគ្រោះ​ព្យុះ​ធំពីរ​​ទៀត ដែលកំពុងបង្ហាញ​វត្ត​មាននៅ​សមុទ្រ​ប៉ាស៊ីហ្វិក ​

កំពូល​ព្យុះ Walaka និង Kong-rey ទើប​បង្ហាញខ្លួន​ក្នុងពេល​តែមួយ​នៅ​សមុទ្រ​ប៉ាស៊ីហ្វិក ត្រូវបាន​វាយតម្លៃថា​ជា​ព្យុះ​ពីរ​ដែលមាន​កម្លាំង​ខ្លាំង​បំផុត​លើ​ភពផែនដី​គិត​មក​ត្រឹម​ខណៈពេល​នេះ​។​

​តាម​ក្រុម​អ្នក​ឧតុនិយម​អាមេរិក ពេលនេះ​នៅ​តំបន់​សមុទ្រ​ប៉ាស៊ីហ្វិក​កំពុងមាន​វត្តមាន​កំពូល​ព្យុះ​ពីរ​ខ្លាំង​បំផុត​លើ​ផែនដី​(​គិត​ត្រឹម​ខណៈពេល​នេះ​)​គឺ ៖ កំពូល​ព្យុះ​Walaka និង Kong-rey ។​

​ក្នុងនោះ​តាម​ការវាយតម្លៃ​ចំពោះ​ព្យុះ Walaka របស់​ស្ថាប័ន​ព្យុះ​ប៉ាស៊ីហ្វិក គឺ​គិត​ត្រឹម​ល្ងាច​ថ្ងៃទី​១​ខែតុលា ព្យុះ​Walaka បាន​បង្កើនល្បឿន​យ៉ាង​ឆាប់ ប្រែក្លាយជា​កំពូល​ព្យុះ​ដែលមាន​កម្លាំង​ខ្យល់​ខ្លាំង​បំផុត​ដល់​ទៅ​257km/h ស្ថិតក្នុង​កម្រិត​៥ តាម​រង្វាស់​ព្យុះ Saffir-Simpson ។​

​ពេលនេះ​ព្យុះ​ខាងលើ​កំពុង​បាញ់​ឆ្ពោះទៅកាន់​ប្រជុំ​កោះ Hawaii​។​ចំពោះ​កំពូល​ព្យុះ​Kong-rey ដែលមាន​វត្ត​មាននៅ​សមុទ្រ​ប៉ាស៊ីហ្វិក​ប៉ែក​ខាងលិច ក្រុម​ឧតុនិយម​ឱ្យដឹងថា វា​កំពុង​ស្ថិតនៅ​កម្រិត​4 Saffir-Simpson ដែលមាន​កម្រិត​ខ្យល់​ខ្លាំង​បំផុត​249km/h ។​

Gizmodo បាន​ហៅ​កំពូល​ព្យុះ​ដែលមាន​វត្តមាន​ក្នុងពេល​តែមួយ​នៅ​ប៉ាស៊ីហ្វិក គឺជា​កំពូល​ព្យុះ​«​សត្វ​ចម្លែក​» ។​តាម​ការព្យាករណ៍​រប​ស់​សេវា​ឧតុ​ជាតិនិយម​អាមេរិក​AccuWeather ព្យុះ​Kong-rey អាច​ជះឥទ្ធិពល​ខ្លាំង​ទៅលើ​ជប៉ុន តៃវ៉ាន់​ចិន និង​កូរ៉េខាងត្បូង​៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ