កូរ៉េខាងជើង ត្រូវបានគេប៉ាន់ស្មានថា មានអាវុធនុយក្លេអ៊ែ រហូតដល់៦០គ្រាប់

(សេអ៊ូល)៖ កូរ៉េខាងជើង ត្រូវបានគេប៉ាន់ស្មានថា មានអាវុធនុយក្លេអ៊ែ រហូតដល់៦០គ្រាប់, នេះបើតាមសម្តីមន្ត្រីជាន់ខ្ពស់មួយរូប របស់កូរ៉េខាងត្បូង បានប្រាប់ទៅកាន់ក្រុមសមាជិកសភា ហើយត្រូវបានចុះផ្សាយឲ្យដឹងដោយសារព័ត៌មាន AP នាយប់ថ្ងៃទី២ ខែតុលា ឆ្នាំ២០១៨នេះ។ នេះគឺជាការបង្ហាញឲ្យដឹងជាសាធារណៈ ជាលើកដំបូងរបស់រដ្ឋាភិបាលទីក្រុងសេអ៊ូល ស្តីពីទំហំនៃឃ្លាំងអាវុធ របស់កូរ៉េខាងជើង។

រដ្ឋមន្ត្រីបង្រួបបង្រួមជាតិកូរ៉េខាងត្បូង លោក Cho Myoung-gyon បានប្រាប់ទៅកាន់សមាជិកសភា កាលពីថ្មីៗនេះថា តាមការប៉ាន់ស្មានទៅលើទំហំនៃឃ្លាំងអាវុធ របស់រដ្ឋាភិបាលទីក្រុងព្យុងយ៉ាង គឺមានគ្រាប់បែកនុយក្លេអ៊ែ ចាប់ពី២០រហូតដល់៦០គ្រាប់។ លោកបានបញ្ជាក់ថា តួរលេខនេះបានមកពីក្រុមអាជ្ញាធរស៊ើបការណ៍សម្ងាត់។

ដោយឡែកស្ថាប័នស៊ើបយកការណ៍សម្ងាត់ជាតិ របស់កូរ៉េខាងត្បូង មិនបានធ្វើការបកស្រាយនោះទេ ពាក់ព័ន្ធនឹងបញ្ហានេះ។

ក្រសួងបង្រួបបង្រួមជាតិកូរ៉េខាងត្បូង នៅថ្ងៃអង្គារនេះ បានបញ្ជាក់ថា ការបង្ហាញពីចំនួននៃគ្រាប់បែកនុយក្លេអ៊ែ របស់កូរ៉េខាងជើងនេះ មិនមែនមានន័យថា កូរ៉េខាងត្បូង នឹងទទួលស្គាល់កូរ៉េខាងជើង ជាប្រទេសនុយក្លេអ៊ែនោះទេ ហើយបានបន្ថែមថា កិច្ចខិតខំប្រឹងប្រែងផ្នែកការទូត របស់រដ្ឋាភិបាលទីក្រុងសេអ៊ូល ដើម្បីលុបបំបាត់កម្មវិធីនុយក្លេអ៊ែរ របស់កូរ៉េខាងជើង គឺនៅតែបន្ត៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ

  • v9