បុគ្គលិកជើង​ចាស់មួយរូបរបស់ Facebook ត្រូវតែងតាំង​ជា​ CEO ថ្មីរបស់បណ្តាញ​សង្គម Instagram!

(សាន់ហ្វ្រាន់ស៉ីស្កូ)៖ ​ក្រុមហ៊ុន​បណ្តាញទំនាក់ទំនងសង្គម Instagram បានសម្រេចតែងតាំង​អ្នករចនាជើងចាស់​របស់ Facebook គឺ​លោក អាដាម ម៉ូស្សឺរី (Adam Mosseri) ជានាយកប្រតិបត្តិ (CEO) ថ្មីរបស់ខ្លួន ក្រោយការ​ប្រកាសលាលែង​ពីតំណែងគួរ​ឲ្យភ្ញាក់ផ្អើល​​របស់​សហស្ថាបនិក Instagram។ នេះបើតាមការដក​ស្រង់ការផ្សាយចេញ​ពីទីភ្នាក់ងារព័ត៌មានចិន ស៉ីនហួរ នៅរសៀល​ថ្ងៃអង្គារ ទី០២ ខែតុលា ឆ្នាំ២០១៨។

សហស្ថាបិក Instagram គឺលោក ខេវិន ស៊ីស្តម (Kevin Systorm) និង លោក ម៉ៃក៍ គ្រីហ្គឺ (Mike Krieger) ដែល​កាលពី​សប្តាហ៍មុន បានប្រកាសលាលែង​ពី​តំណែង​ជា​ នាយកប្រតិបត្តិ និងនាយកផ្នែក​បច្ចេកវិទ្យា (CTO) នោះ​បានឲ្យដឹងថា លោក Adam Mosseri ដែលជាអ្នក​រចនា​ជើងចាស់​របស់ Facebook និងជានាយក​រងផ្នែកផលិតផល​របស់ Instagram បានឡើង​កាន់តំណែង​ជា CEO របស់បណ្តាញសង្គម ​ដែល​ល្បី​ឈ្មោះ​​ខាង​ចែក​រំលែក​​រូប​ថត​នេះ គិតចាប់​ពីថ្ងៃទី០១ ខែតុលានេះតទៅ។

គួរជម្រាបថា លោក Mosseri បានក្លាយជាអ្នករចនា​នៅក្នុងក្រុមហ៊ុន Facebook កាលពីឆ្នាំ២០០៨ ហើយលោកបាន​ក្លាយជា​នាយក​រង​ផ្នែកផលិតផល​នៅ Instagram កាលពីឧសភា​កន្លងទៅ។ Instagram ស្ថិតក្រោម​ការគ្រប់គ្រង​របស់ Facebook៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ