• Dele Alli បន្ត​កិច្ចសន្យា​ថ្មីជាមួយ​ក្លឹប Spurs ដល់ឆ្នាំ​២០២៤

    (ក្រុងឡុងដ៍)៖ កីឡាករខ្សែបម្រើសញ្ជាតិអង់គ្លេស Dele Alli បានយល់ព្រមបន្តកិច្ចសន្យាថ្មីក្នុងរយៈពេល ៦ឆ្នាំរហូតដល់ឆ្នាំ២០២៤ ជាមួយក្លឹបមាន់ខ្នាយមាស Tottenham Hotspur នៃក្របខណ្ឌលីគកំពូលអង់គ្លេស Premier League តែយ៉ាងណាក៏ដោយ ក្លឹបមិនបានបង្ហាញតម្លៃទឹកប្រាក់លើការនឿយហត់របស់កីឡាកររូបនេះទេ នេះបើតាមការចេញផ្សាយរបស់សារព័ត៌មាន Independent នាថ្ងៃពុធ ទី៣១ ខែតុលា ឆ្នាំ២០១៨។

    កីឡាករវ័យ ២២ឆ្នាំរូបនេះ ក៏ធ្លាប់ឈ្នះពានកីឡាករវ័យក្មេងលេងល្អជាងគេក្នុង Premier League ២ដងផងដែរក្នុង ឆ្នាំ២០១៥-១៦ និងឆ្នាំ២០១៦-១៧ ក្រោយផ្ទេរពីក្លឹប MK Dons ដែលជាក្លឹបយុវជនថ្នាលរបស់ខ្លួន ក្នុងតម្លៃ ៥លានផោនកាលឆ្នាំ២០១៤ ជាមួយនឹងការបានគ្រាប់បាល់ ៤៨គ្រាប់ ក្នុងការបង្ហាញខ្លួន ១៥៣លើកឲ្យ Spurs។

    សម្រាប់ក្នុងក្រុមជម្រើសជាតិតោកំណាចអង់គ្លេស Dele Alli មកទល់ពេលនេះ រកបានគ្រាប់បាល់ ៣គ្រាប់ ពីការចូលលេងបាន ៣១លើក ក្នុងព្រឹត្តិការណ៍ធំៗដូចជា UEFA Euro ឆ្នាំ២០១៦ នៅប្រទេសបារាំង និង FIFA World Cup ឆ្នាំ២០១៨ នៅប្រទេសរុស្ស៊ី៕

    ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

    ព័ត៌មានទាក់ទង៖

  • ព័ត៌មានថ្មីៗ