ស្ត្រីឥណ្ឌូនេស៊ី ត្រូវឆ្លងកាត់ការធ្វើតេស្តព្រហ្មចារីយ៍ ដោយការបញ្ចូលម្រាមដៃពីរទៅក្នុងទ្វារមាសនៃបេក្ខនារីទាំងអស់ ដើម្បីកំណត់ថានៅមានភាពបរិសុទ្ធ និងដើម្បីបញ្ជាក់ស្ត្រីទាំងនោះនៅស្អាតស្អំ។

យោងតាមសារព័ត៌មាន ABC News Australia បានអោយដឹងថា អតីតអ្នកបេក្ខនារីម្នាក់ដែលធ្លាប់បានដាក់ពាក្យឈ្មោះ Zakia បានប្រាប់អង្គការឃ្លាំមើលសិទិ្ធមនុស្សថា នាងបានធ្លាក់ក្នុងការធ្វើតេស្តរបស់នាង នៅពេលនាងព្យាយាមដាក់ពាក្យចូលធ្វើជាមួយប៉ូលីសកាលពីដើមឆ្នាំនេះ។

នាងត្រូវបានទទួលរងនូវការធ្វើតេស្តខាងលើនេះ, ហើយបញ្ហាដែលអាក្រក់បំផុតនោះគឺវាមិនត្រូវបានធ្វើឡើងដោយគ្រូពេទ្យទេ។ នាង Zakia បាននិយាយថា “ពួកគេមិនត្រឹមតែបញ្ចូលម្រាមដៃរបស់ពួកគេចូលទៅក្នុងទ្វារមាសរបស់ខ្ញុំនោះទេ ប៉ុន្តែថែមទាំងចូលទៅក្នុងរន្ធគូថផងដែរ” ។ ពួកគេបានបន្តស៊ើបអង្កេត … ហើយវាពិតជាឈឺចាប់ណាស់ ។ រាល់ពេលដែលខ្ញុំនឹកដល់អ្វីបានកើតឡើងខ្ញុំយំ … ខ្ញុំមានអារម្មណ៍ថាខ្ញុំមិនចង់រស់នៅទៀតទេ “។

យោងទៅតាម Zakia នាងគឺជាកីឡាការិនីក្បាច់គុនម្នាក់ និងជាអ្នកធ្វើលំហាត់ប្រាណផ្សេងៗជាច្រើនឆ្នាំមកហើយ ដែលវាអាចជាកត្តាដែលនឹងធ្វើឱ្យមានព្រហ្មចារីរបស់នាងត្រូវបាត់បង់។

នាងបានរំឭកថា: «នៅពេលមួយខ្ញុំលុតជង្គង់ហើយទ្វារមាសរបស់ខ្ញុំប៉ះពាល់ឈើតូចមួយ ប៉ុន្តែខ្ញុំមិនដឹងថាតើព្រហ្មចារីបានបាត់បង់នោះទេ។ ម្តាយរបស់ខ្ញុំបានប្រាប់ខ្ញុំកុំបារម្ភអំពីរឿងនេះអី … ប៉ុន្តែខ្ញុំបានប្រាប់ [មន្ត្រីប៉ូលីសសម្ភាសខ្ញុំ] ថាខ្ញុំនៅចងចាំពីអារម្មណ៍ឈឺចាប់ខ្លាំងនៅក្នុងទ្វារមាសរបស់ខ្ញុំ ដោយសារតែការដួលក្នុងពេលនោះ – បន្ទាប់ពីនោះការសម្ភាសន៍បានចប់»។ នៅទីបំផុតនាងបរាជ័យក្នុងការចូលទៅកាន់ជុំទី 2 នៃដំណើរការដាក់ពាក្យសុំ។

យោងតាមអ្នកស្រាវជ្រាវអង្គការឃ្លាំមើលសិទិ្ធមនុស្សលោក Andreas Harsono បាននិយាយថាប៉ូលីសឥណ្ឌូនេស៊ី ជឿជាក់ថាសង្គមមិនអាចទទួលយកមន្ដ្រីជាស្ត្រីដែលធ្លាប់ជាអ្នករកស៊ីផ្លូវភេទឬមានជីវិតផ្លូវភេទសកម្មនោះទេ។

លោក Harsono បានប្រាប់ ABC ព័ត៌មានអូស្ត្រាលីបន្តថា៖ “ឧត្តមសេនីយ៍យោធាជាច្រើនជឿថាព្រហ្មចារីគឺដូចជានាឡិកាមួយ ប្រសិនបើព្រហ្មចារីត្រូវបានរហែកឡើងរវាងម៉ោង 11 ព្រឹកដល់ម៉ោង 2 យប់វាភាគច្រើនដោយសារតែសកម្មភាពរាងកាយ … ប៉ុន្តែប្រសិនបើព្រហ្មចារីត្រូវបានរហែកនៅម៉ោង 6 ល្ងាចវាមានន័យថាស្ត្រី មានជីវិតផ្លូវភេទ”។

យោងតាមការសិក្សាមួយមកពីសាកលវិទ្យាល័យបច្ចេកវិទ្យាអាក់ឡែនបានឱ្យដឹងថា ប្រទេសឥណ្ឌូណេស៊ីបានហាមឃាត់ការធ្វើតេស្តភាពព្រហ្មចារីបែបនេះដោយសារតែសម្ពាធអន្តរជាតិ ប៉ុន្តែការអនុវត្តនៅតែជាផ្នែកមួយដ៏សំខាន់នៃការជ្រើសរើសរបស់ប៉ូលីស។

វេជ្ជបណ្ឌិត Sharyn Davies អ្នកនិពន្ធនៃការសិក្សារបស់ AUT បាននិយាយថា “ខណៈដែលកម្លាំងប៉ូលីសឥណ្ឌូណេស៊ីបានជាប់ជាប្រទេសមួយក្នុងចំណោមប្រទេសច្រើនទៀត ដែលមានអត្រាខ្ពស់នៃអំពើពុករលួយ, ឃោរឃៅនិងគ្មានប្រសិទ្ធភាពបំផុតក្នុងពិភពលោក។ យុទ្ធសាស្រ្តមួយដែលធ្វើឱ្យមានការកើនឡើងនូវទំនុកចិត្តរបស់សាធារណៈជននៅក្នុងនគរបាលនោះគឺត្រូវតែមានគុណសម្បត្តិមួយចំនួន។

លើសពីនេះទៅទៀតស្ថានភាពនៃភាពល្បីល្បាញដែលទទួលបានដោយប៉ូលីសបានជំរុញឱ្យនារីៗ ពិចារណាអំពីអាជីពរបស់ប៉ូលីស ដែលជាការបំផុសគំនិតមួយដែលត្រូវមានគុណសម្បត្តិមួយចំនួនផងដែរ។

ជាអកុសលស្តង់ដារចាស់និងគ្មានភាពវិទ្យាសាស្រ្ត បានរារាំងស្ត្រីមិនឱ្យធ្វើការងារប៉ូលិស។ វេជ្ជបណ្ឌិតដាវីសបាននិយាយថាការផ្សព្វផ្សាយគឺ “សឹងមិនអាចទៅរួចនោះទេ។

ទិដ្ឋភាពនៃក្រុមប៉ូលីសស្រីឥណ្ឌូនេស៊ីបានធ្វើឱ្យមានខូចខាតនិងមានធ្វើអោយមានគ្រោះថ្នាក់ មិនត្រឹមតែទៅលើប៉ូលីសស្រីដែលមានព្រហ្មចារីប៉ុណ្ណោះទេ ប៉ុន្តែថែមទាំងធ្វើឱ្យមានខូចខាតនិងមានធ្វើអោយមានគ្រោះថ្នាក់ដល់ស្រ្ដីជាទូទៅផងដែរ៕

ប្រែសម្រួលដោយ៖ ដារា