FFC ប្រកាស​តម្លើង​ថ្លៃសំបុត្រ​ទស្សនា​ក្រុមគោ​ព្រៃកម្ពុជា ប្រកួតពាន AFF Suzuki Cup 2018

(ភ្នំពេញ)៖ ទីបំផុតសហព័ន្ធកីឡាបាល់ទាត់កម្ពុជា(FFC) បានសម្រេចចិត្តតម្លើងថ្លៃសំបុត្រចូលទស្សនាការប្រកួតរបស់ក្រុមជម្រើសជាតិកម្ពុជា នៅក្នុងព្រឹត្តិការណ៍ពានរង្វាន់ AFF Suzuki Cup 2018 ស្របពេលក្រុមរហស្សនាមគោព្រៃកម្ពុជា ត្រៀមបើកទ្វារផ្ទះស្វាគមន៍ក្រុមជម្រើសជាតិម៉ាឡេស៊ី បើកឆាកពូលA នាថ្ងៃទី០៨ ខែវិច្ឆិកាខាងមុខ ។

យោងតាមសេចក្ដីជូនដំណឹងរបស់សហព័ន្ធ នាព្រឹកថ្ងៃសុក្រនេះ សហព័ន្ធបានបញ្ជាក់ថា សំបុត្រចូលទស្សនាកម្ពុជា ប៉ះម៉ាឡេស៊ី គ្រោងនឹងដាក់លក់ផ្លូវការ នាព្រឹកថ្ងៃទី២៩ ខែវិច្ឆិកាដើមសប្ដាហ៍ក្រោយ ដោយរក្សាសំបុត្រ ២ប្រភេទដដែល តែឡើងថ្លៃបន្ដិច ក្នុងនោះសំបុត្រប្រភេទទី១ មានតម្លៃ ១២,០០០រៀល និងសំបុត្រប្រភេទទី២ មានតម្លៃ ៦,០០០រៀល ។

ចំពោះព្រឹត្តិការណ៍ពានរង្វាន់ AFF Suzuki Cup 2018 គឺគ្រោងចាប់ផ្ដើមពីថ្ងៃទី០៨ ខែវិច្ឆិកា រហូតដល់ថ្ងៃទី១៥ ខែធ្នូ ដោយប្រើប្រាស់រូបមន្ដប្រកួតក្នុងដី និងក្រៅដីចំនួន ១ជើង ។ ក្រោយចាប់ពូល ក្រុមគោព្រៃកម្ពុជា ស្ថិតក្នុងពូលA ជាមួយវៀតណាម មីយ៉ាន់ម៉ា ម៉ាឡេស៊ី និងឡាវ ខណៈកម្មវិធីប្រកួត គឺកម្ពុជា ទទួលបានសិទ្ធធ្វើម្ចាស់ផ្ទះ ២ប្រកួត រួមមានជួបម៉ាឡេស៊ី នៅថ្ងៃទី០៨ ខែវិច្ឆិកា និងជួបក្រុមជម្រើសជាតិឡាវ នៅថ្ងៃទី២០ ខែវិច្ឆិកាខាងមុខ៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ