នារីជនជាតិចិនម្នាក់បានកើតអាការៈដ៏ចម្លែកម្យ៉ាង ដោយមិនអាចកម្រើកម្រាមដៃបានឡើយ បន្ទាប់ពីចុចទូរសព្ទមិនឈប់ អស់រយៈពេលមួយសប្តាហ៍។
យោងតាមសារព័ត៌មានក្នុងស្រុកមួយ បានឲ្យដឹងថា នារីមិនបញ្ចេញឈ្មោះ មកពីទីក្រុង Changsha ខាងលើ បានសុំច្បាប់ឈប់ពីការងារពេញមួយសប្ដាហ៍ដើម្បីសម្រាក។ ជំនួសឲ្យការដើរលេង នាងបានចំណាយពេលភាគច្រើនផ្ដោតលើទូរសព្ទដៃរបស់នាង។ មិនតែប៉ុណ្ណោះ នាងចុចវាលេងរហូតដល់ពេលចូលដេកតែម្តង។
មិនយូរប៉ុន្មាន នាងក៏ចាប់ផ្ដើមឈឺដៃខាងស្ដាំខ្លាំង រហូតដល់មិនអាចកម្រើកម្រាមដៃបានស្រួល។ ជាមួយគ្នានេះ ម្រាមដៃរបស់នាងបានជាប់ឆ្កឹង ហាក់ដូចកំពុងកាន់ទូរសព្ទអីចឹង។ យ៉ាងណាមិញ ក្រោយទៅដល់មន្ទីរពេទ្យ គ្រូពេទ្យបានធ្វើរោគវិនិច្ឆ័យ និងរកឃើញថា នាងបានកើតអាការៈម្យ៉ាងហៅថា Tenosynovitis។
