ទឹកផឹកមាន PH ទាបពេក និងខ្ពស់ពេក សុទ្ធតែនាំទុក្ខដល់សុខភាព។ ទីភ្នាក់ងារការពារបរិស្ថានអាមេរិក (EPA) បានកំណត់ស្តង់ដារថា ទឹកផឹកដែលមានសុវត្ថិភាពបំផុតត្រូវមាន PH ចន្លោះពី ៦,៥ ទៅ ៨,៥។ ទឹកផឹកនៅអាមេរិក ត្រូវគោរពតាមស្តង់ដារកំណត់ដោយ EPA នេះ ដើម្បីសុវត្ថិភាព មិនថាទឹកម៉ាស៊ីនរបស់រដ្ឋ ឬទឹកសុទ្ធលក់ក្នុងទីផ្សារនោះឡើយ។
ធ្វើម៉ែចទើបដឹងថាទឹកផឹករបស់យើងមាន PH ប៉ុន្មាន?
បើសិនអ្នកទិញទឹកសុទ្ធ ជាពិសេសទឹករ៉ែ លើសម្បកដបមានបញ្ជាក់កម្រិត PH ស្រាប់តែម្ដង។ អ្នកក៏អាចទិញសូលុយស្យុងវាស់ PH ទឹក នៅក្នុងទីផ្សារបានផងដែរ។ រូបភាពខាងក្រោមនេះ បញ្ជាក់ពីកម្រិតជាតិអាស៊ីដ និងអាល់កាឡាំងក្នុងទឹក៕
