កាលពីថ្ងៃទី ១២ តុលាម្សិលមិញនេះ Facebook បានបង្ហាញព័ត៌មានលម្អិតទាក់ទងនឹងគណនីចំនួន ៣០ លានត្រូវ Hacker លួចយកទិន្នន័យសម្ងាត់បាន។ វិធីខាងក្រោមនេះនឹងអាចឲ្យអ្នកដឹងយ៉ាងប្រាកដថាគណនីរបស់អ្នកត្រូវរងគ្រោះពីសំណាក់ Hacker ដែរឬយ៉ាងណា ៖
១. Login ចូល Facebook រួចចូលទៅកាន់លីងមួយនេះ www.facebook.com/help/securitynotice?ref=sec
២. អូសចុះក្រោមដើម្បីស្វែងរកពាក្យមួយឃ្លាថា “Is my Facebook account impacted by this security issue?”
៣. នៅត្រង់នេះអ្នកនឹងឃើញមានចម្លើយ “Yes” ឬ “No” បញ្ជាក់ពីស្ថានភាពគណនី។
៤. ប្រសិនបើ “Yes” អ្នកនឹងស្ថិតក្នុងផ្នែកមួយក្នុងចំណោមបីខាងក្រោម ៖
- អ្នកស្ថិតក្នុងចំណោម ១៥ លានគណនីដែលឈ្មោះ , អ៊ីមែល ឬលេខទូរសព្ទ ត្រូវគេយកបាន
- អ្នកស្ថិតក្នុងចំណោម ១៤ លានគណនីដែលទិន្នន័យខាងលើ រួមទាំងទិន្នន័យសម្ងាត់ជាច្រើនទៀតត្រូវគេយកបានសម្រេច
- អ្នកស្ថិតក្នុងចំណោម ១ លានគណនីដែល Access Token ត្រូវគេលួចយកបាន ប៉ុន្តែគណនីមិនត្រូវបានគេបើកចូលនោះទេ
ខាងក្រោមជាអ្វីដែលអ្នកគួរធ្វើប្រសិនបើរងគ្រោះ ៖
១. មិនចាំបាច់ប្ដូរលេងសម្ងាត់ ឬ ទិន្នន័យក្រេដីតកាតនោះទេ ព្រោះថាគ្មានភស្តុតាងបញ្ជាក់ថាទិន្នន័យទាំងពីរនេះត្រូវគេលួចបានក្នុងពេលកើតមានបញ្ហានេះទេ
២. ត្រូវប្រយ័ត្នចំពោះការហៅចូលដែលអ្នកមិនស្គាល់លេខ ឬ សារចម្លែកៗដែលផ្ញើចូលអ៊ីមែល
៣. ពិចារណាម្ដងទៀតថា Facebook សមជាកន្លែងសម្រាប់អ្នកចែករំលែកឬអត់
ប្រភព៖ Sabay
