ការប្រលងជ្រើសរើសមន្ត្រីចូលបម្រើការងារ​​ នៅក្រសួងសាធារណការ នឹងធ្វើឡើងនៅថ្ងៃទី២៨ ខែតុលា

(ភ្នំពេញ)៖ ក្រសួងសាធារណការ និងដឹកជញ្ជូន បានប្រកាសថា ការប្រលងជ្រើសរើសមន្ត្រីរាជការចូលបម្រើការងារនៅក្រសួងសាធារណការ និងដឹកជញ្ជូនសម្រាប់ឆ្នាំ២០១៨នេះ នឹងធ្វើឡើងនៅថ្ងៃទី២៨ ខែតុលា ឆ្នាំ២០១៨ខាងមុខនេះហើយ។ ការប្រលងនេះ នឹងធ្វើឡើងនៅវិទ្យាល័យព្រះស៊ីសុវត្ថិ។

ក្នុងសេចក្តីជូនដំណឹងដែលអង្គភាពព័ត៌មានទទួលបាននៅថ្ងៃទី១២ ខែតុលា ឆ្នាំ២០១៨នេះ ក្រសួងបានគូសបញ្ជាក់ថា បេក្ខជនទាំងអស់ត្រូវទៅឲ្យដល់មណ្ឌលប្រលងវេលាម៉ោង ៦៖៣០នាទីព្រឹក។

សូមបញ្ជាក់ថា ក្រសួងសាធារណការ និងដឹកជញ្ជូន ត្រូវការជ្រើសរើសមន្ត្រីរាជការចំនួន ៥០កន្លែងឲ្យចូលបម្រើតួនាទីផ្សេងៗនៅក្នុងក្រសួងសាធារណការ និងដឹកជញ្ជូននៅក្នុងឆ្នាំ២០១៨នេះ។ បើតាមមន្ត្រី បានអះអាងថា មានបេក្ខជនប្រមាណ ១,០២៦នាក់ បានដាក់ពាក្យប្រលងយកការងារនៅក្រសួង។

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ធ្លាប់បានគូសបញ្ជាក់ថា ការជ្រើសរើសមន្ត្រីមកបម្រើការងារ គឺត្រូវការអ្នកមានសមត្ថភាព ដើម្បីប្រសិទ្ធភាពការងារក្នុងការបម្រើជាតិ និងប្រជាជន។ ដូច្នេះការប្រលងនេះប្រព្រឹត្តទៅឈរលើគោលការយុត្តិធម៌ និងតម្លាភាព ពោលមិនមានការស៊ីសំណូកសូកប៉ាន់ មិនមានបក្ខពួកអ្វីនោះឡើយ សម្រាប់អ្នកមានសមត្ថភាព ប្រាកដជាជាប់៕

ហាមដាច់ខាតការយកអត្ថបទពីវេបសេយ www.baykdang.com ដោយគ្មានការអនុញ្ញាតិ។ បើលោកអ្នក ត្រូវការអត្ថបទ សូម inbox ទៅហ្វេសប៊ុកផេច [email protected]

ព័ត៌មានទាក់ទង៖

  • ព័ត៌មានថ្មីៗ