គូស្នេហ៍វ័យក្មេងតុណ្ហាក្រាស់ឥតអៀនខ្មាស១គូ នៅក្នុងទីក្រុងហុងកុង ត្រូវបានប្រទះឃើញកាលចុងសប្តាហ៍មុន ដោយអ្នកដំណើរម្នាក់ ដែលបានថតពីសកម្មភាពដ៏ជ្រុលហួសនេបនិត្យគ្នាយ៉ាងក្តៅគគុក នៅលើបង់ហ៊ុំព័ទ្ធសាធារណៈមួយ ។
មួយក្នុងចំណោមរូបទាំង២នៃសកម្មភាពដ៏មិនសមរម្យនេះ បានបង្ហាញឲ្យឃើញបុរសជាគូស្នេហ៍ បានយកដៃចង្អុលអ្នកថត ខណៈខាងស្រីអាក្រាតសល់តែលីអូ ហាក់ធ្វើពុំដឹង ។ ហើយរូបភាពនេះ បច្ចុប្បន្ន កំពុងត្រូវបាន «ចរាចរ» យ៉ាងលឿននៅលើបណ្តាញសង្គម និងក៏ត្រូវជ្រើសរើសយកធ្វើជាព័ត៌មានដោយសារព័ត៌មានក្នុងស្រុក ។
ទោះបីជាគេពុំដឹងច្បាស់ពីទីកន្លែងកើតហេតុយ៉ាងណាក៏ដោយ តែអ្នកលេងអ៊ីនធើរណេត «ភ្នែកឥន្រ្ទី» បានសន្មត់ថា ហេតុការណ៍នេះអាចកើតឡើងនៅតំបន់ខាងក្រៅមជ្ឈមណ្ឌលអាហារឆ្អិន Mui Wo ក្បែរកំពង់ផែសាឡាង Mui Wo ។ អ្នកលេងអ៊ីនធើរណេតមួយចំនួនបានលេងសើចថា គូស្នេហ៍នេះប្រហែលរកកន្លែងទំនេរនៅក្នុងផ្ទះរបស់ពួកគេ ដើម្បីរួមភេទពុំបានហើយមើលទៅ ដែលវាជាចំណុចធ្ងន់ធ្ងរមួយបានធ្វើឡើងកាលពីពីរបីឆ្នាំមុន ដោយសមាជិកសភាដែលត្រូវបានបណ្តេញចេញពីតំណែង Yai Wai Ching នៅពេលពិភាក្សាអំពីវិបត្តិលំនៅដ្ឋានក្នុងទីក្រុងហុងកុង ។
អ្នកខមិនម្នាក់បានបកស្រាយថា៖ «តម្លៃសណ្ឋាគារ ប្រហែលហួសពីសមត្ថភាពរបស់ពួកគេ» ។ ទន្ទឹមនោះផងដែរ អ្នកដទៃទៀត បានខមិនស្នើសុំប៉ូលីសគួរត្រូវបានខលហៅ ដើម្បីស្វែងរកចាប់ខ្លួនពួកគេទាំងពីរមកដាក់ទណ្ឌកម្ម ចំពោះទង្វើមិនសមរម្យរបស់ពួកគេនេះនៅទីសាធារណៈ ៕
ប្រភព៖ CEN
