ពិតណាស់ សង្គ្រាមលោកលើកទី១ (WWI) ត្រូវបានគេចាត់ទុកថា ជាសង្គ្រាមមួយក្នុងចំណោមសង្គ្រាមដែលមានការប្រយុទ្ធគ្នាដ៏ឃោឃៅបំផុតរវាងមនុស្សនឹងមនុស្ស។
កងទាហាន និងជនស៊ីវិលជាច្រើនលាននាក់ បានស្លាប់ក្នុងជម្លោះមួយដែលបានផ្លាស់ប្តូររបៀបដែលសង្គ្រាមត្រូវបានបង្កើតឡើង និងបង្កើតឲ្យមានដំណាក់កាលសម្រាប់សតវត្សរ៍ទី២០។ ប៉ុន្តែ នៅរាត្រីមួយ និងនៅថ្ងៃមួយ កងទាហានមួយចំនួនដែលស្ថិតក្នុងភាគីផ្សេងៗនៃសង្គ្រាម ដែលរួមមានខាងទាហានបារាំង និងចក្រភពអង់គ្លេស និងខាងកងទាហានអាល្លឺម៉ង់ បានទម្លាក់អាវុធរបស់របស់ពួកគេក្នុងរយៈពេលដ៏ខ្លី ដើម្បីអបអរថ្ងៃវិស្សមកាលរួមគ្នារវាងភាគីជម្លោះទាំងពីរ។
សង្គ្រាមលោកនេះ ត្រូវបានរំពឹងទុកថា នឹងបញ្ចប់នៅត្រឹមថ្ងៃបុណ្យណូអែល ឆ្នាំ១៩១៤។ ប៉ុន្តែ រយៈពេល៥ខែ បន្ទាប់ពីសង្គ្រាមបានចាប់ផ្តើមកាលពីខែកក្កដា តំបន់ខ្សែត្រៀមប្រយុទ្ធ នៅតែបន្តវាយសម្លាប់គ្នាដោយឥតប្រណី។ ការបរាជ័យដែលមិននឹកស្មានដល់ក្នុងការប្រយុទ្ធគ្នានៅតំបន់ Battles of Tannenberg, the Marne និង Ypres បានបង្ខំឲ្យភាគីទាំងសងខាង ធ្លាក់ចូលក្នុងការប្រយុទ្ធគ្នាយ៉ាងសាហាវដែលត្រូវបានគេហៅថា សង្គ្រាមលោកលើកទី១តែម្តង។
ក្រោយពីបានធ្វើការប្រមូលផ្តុំគ្នានៅក្នុងត្រង់សេរបស់ពួកគេរៀងៗខ្លួននៅល្ងាចមុនថ្ងៃបុណ្យណូអែល កងទព័រនៃភាគីទាំងពីរ បានដើរកាតឆ្លងខ្សែក្រវាត់ជួរមុខរបស់ខ្លួន ដើម្បីអបអរថ្ងៃវិស្សមកាលនេះឲ្យបានល្អបំផុតតាមដែលពួកគេអាច។ ភ្លាមៗ រាល់កងទព័រនៅតំបន់ជួរមុខទាំងអស់ បានចាប់ផ្តើមចាកចេញពីត្រង់សេរបស់ពួកគេរៀងៗខ្លួន ដោយគ្មានអាវុធ ដើម្បីជួបជាមួយនឹងទាហានជាសត្រូវរបស់ពួកគេនៅតំបន់ស។ អ្វីដែលគួរឲ្យកត់សម្គាល់នោះគឺថា កងទាហាននានាដែលទើបតែបានសម្លាប់គ្នាយ៉ាងឃោឃៅក្នុងរយៈពេលប៉ុន្មានម៉ោងមុននោះ បានជជែកគ្នា ចម្រៀងចម្រៀងរួមគ្នា រាំជាមួយគ្នា និងញ៉ាំអាហារជាមួយគ្នា ដូចជាមិត្តភ័ក្តិនឹងគ្នាអ៊ីចឹង៕
ប្រភព៖ Businessinsider
